Тројца осуденици се повредени во вчерашната пресметка во затворот Идризово во Скопје, соопшти МВР.
-На 26.06.2024 во 13.10 часот во СВР Скопје од КПУ Затвор Идризово било пријавено дека околу 10.30 часот во затвореното амбулантно одделение во установата бил нарушен јавниот ред и мир со физичка пресметка помеѓу повеќе осудени лица. При тоа со повреди се здобил Е.М.(26), додека С.Д.(43) и С.М.(29) се здобиле со повреди од остар предмет, се наведува во соопштението.
Тројцата биле пренесени во Комплексот клиники „Мајка Тереза“ за укажување на лекарска помош.
