Како резултат на врнежите изминатата ноќ, поголеми зголемувања на водостојот има на водотеците во западниот дел на земјата, предупреди денеска УХМР.
Зголемен е водостојот на р. Радика, р. Сатеска, р. Голема и р. Пена, кои и денеска се очекува да бидат високи, особено на р.Радика заедно со нејзините притоки во сливот. Поради најавените можни локални поројни врнежи во источните делови, можно е на места зголемување на водостојот на помалите реки и суводолици во тој регион.
-Предупредуваме на внимателно движење покрај реките и суводолиците во крајните западни и во делови од источните делови, каде се најавени можни локални поројни врнежи, на земјата во текот на денешниот ден, укажува УХМР.
