Уште вечерва трае концертната серија „Musica Viva во чест на 55 години ФМУ“, како дел од одбележувањето на долгогодишното постоење на Факутлетот за музичка уметност во Скопје.
Концертите се одржуваат три дена во Музејот на македонската борба, а присутните уживаат во дела од светската музичка литература изведени од студентите.
Вечерва со почеток во 20 часот настапуваат студентите од класите по пијано. Влезот е слободен, а заради ограничениот број на седишта потребна е резервација на [email protected].
Во рамки на одбележувањето на 55 години од своето основање Факултетот за музичка уметност започнува и со циклус предавања „Научни среди“. Предавањето ќе го отвори професор д-р Снежана Филиповска со тема „Балетската уметност како составен дел од културните збиднувања во Македонија“ на 1 декември на платформата zoom со почеток во 19 часот.
