Од Хуманитарната организација „Свети Спас“-Скопје денеска ги повикуваат сите хумани граѓани да одговорат на нивниот повик за собирање на донации во храна.
– Од оправдани причини, магацинот подолг период не функционираше со полн капацитет и во моментов речиси е празен, немајќи доволно донации за семејствата од нашата програма за помош. Од таа причина приморани сме да направиме збирна акција пред маркетите надевајќи се дека ќе одговорите на нашиот повик и дека ќе собереме доволно храна за да можеме да продолжиме со нашата борба против гладот во Македонија, велат од организацијата.
Акцијата ќе се спроведе утре и задутре на следните локации:
Сабота од 12.00 часот до 20.00 часот
- ГИГО МАРКЕТ- ДРАЧЕВО
- СУПЕРТИНЕКС НА ПРВОМАЈСКА
- ВЕРО ЏАМБО – ЦЕНТАР
- ВЕРО 2 – ТАФТАЛИЏЕ
- ТИНЕКС – ЃОРЧЕ ПЕТРОВ
Недела од 12.00 часот до 20.00 часот
- ВЕРО ЏАМБО – ЦЕНТАР
– Ве покануваме на нашите пунктови да ја изразите вашата поддршка кон мисијата на нашата организација со донации во храна и хигиенски средства, а ве замолуваме да ги означите градоначалниците, политичарите, директорите и сите оние кои би можеле да се вклучат и да помогнат акцијата да биде успешна и да собереме доволно храна. Се гледаме на нашите пунктови, се наведува во повикот од хуманите луѓе од „Свети Спас“.
