Во крушевското село Норово фрлен запален тврд предмет кон училиште. Во инцидентот било повредено дете, чиј татко го пријавил случајот во полиција.
– На 26.10.2023 од страна на полициските службеници од ОВР Крушево лишен е од слобода Ф.Р.(22) од с.Норово, крушевско, постапувајќи по пријава на С.И.(38) од истото село, според која во близина на основно училиште во селото тој фрлил со запален тврд предмет и го погодил неговиот малолетен син, информираат од МВР.
Ф.Р. е приведен во полициска станица и по документирање на случајот ќе му биде поднесена соодветна кривична пријава.
