Три лица се повредени во сообраќајка на автопатот Гостивар-Тетово. До несреќата дошло откако возилото излетало од патот.
-Вчера во 17.45 часот во ОВР Гостивар било пријавено дека на автопатот Гостивар–Тетово, пред Тумчевишка петла, патничко возило „опел“ со скопски регистарски, управувано од М.С.С.(41) од Скопје, излетало од патот. Во несреќата со тешки телесни повреди се здобил сопатникот Д.С., а М.С.С. и уште една сопатничка се здобиле со телесни повреди констатирани во Општата болница Гостивар, информираат од МВР.
Извршен бил увид од увидна екипа на ОВР Гостивар.
