Вкупно 250 илјади албански граѓани ја напуштиле државата во период од осум години, покажуваат податоците на Институтот за статистика, ИНСТАТ, за периодот од 2011-2019 година. Ако се направи пресметка излегува дека речиси по 100 албански граѓани секој ден заминувале од земјата.
Овој податок беше изнесен на трибина организирана од Албанскиот хелсиншки комитет на на која се разговараше за предизвиците кои длабоко ја засегаат албанската популација: миграциските текови и феноменот на одлив на мозоци.
