7 пациенти починаа, дури 125 лица се новозаразени од вирусот- во Скопје 89

Седум пациенти починале од вирусот, а 125 лица се новозаразени. Ова пред малку го соопшти Министерството за здравство преку Фејсбук.

-Во последните 24 часа се направени 1019 тестирања, а регистрирани се 125 нови случаи на ковид-19, стои во соопштението.

По градиви ова се бројките на новозаразени:

– Скопје 89, Куманово 4, Штип 2, Прилеп 2, Тетово 11, Струга 3, Велес 1, Охрид 8, Гостивар 1, Струмица 2, Кичево 1, Ресен 1

На Клиниката за инфективни болести и фебрилни состојби почина пациент од Скопје (79г) на клиниката од 19 мај, пациентка од Струга (66г) хоспитализирана на 8 јуни, пациентка од Скопје (54г) примена на 5 јуни и уште една пациентка од Тетово (46г) која починала при прием во амбулантата.

Во ГОБ „8 септември“ почина пациентка од Скопје (77г.) примена на 8 јуни и пациентка од Струга (73г.) примена на 7 јуни. Во болницата во Штип почина пациент на возраст од 87 години, хоспитализиран на 26 мај.

Денеска Институтот за јавно здравје регистрира 6 оздравени пациенти.

Досега во Македонија се направени вкупно 39033 тестирања на ковид -19. Од вкупниот број направени тестови во изминатото деноноќие 19 теста се во рамките на скринингот во градинки во Скопје, нема позитивни резултати на ковид-19.

Вкупната бројка на ковид дијагностицирани во нашата земја од почетокот на епидемијата изнесува 3364, бројката на оздравени пациенти е 1664, на починати е 164, а во моментов бројот на активни случаи во земјата изнесува 1536.