Покана до граѓаните да додјат на изложба за нерасни кучиња која ќе се одржи денеска на Школка во Градски парк во Скопје со почеток од 11 ч. до 15 ч. упати ЈП „Лајка“.
Изложбата е по повод светскиот ден на животните и 3-тиот роденден на ЈП Лајка и е во организација на ЈП Лајка со поддршка од Град Скопје и фирмите кои секојдневно се вклучени во работата на ЈП Лајка кои ќе бидат претставени со своите производи и услуги за време на настанот.
-На изложбата се пријавени 70-тина вдомени кучиња од сите големини, форми и карактери. Преку овој настан сакаме да покажеме дека секое куче е убаво без оглед на неговата раса, да поттикнеме одговорно сопствеништво, да покажеме дека сите кучиња се убави и дека богатството кое го носи секое куче во себе може да биде голем плус во секое семејство и во секој дом. Мотото на настанот е „Вдоми не купувај“ кое ќе се обидеме да го пренесеме на присутните преку промоција и споделување на успешни приказни со вдомени кучиња, а секако граѓаните ќе имаат можност да се дружат и да запознаат дел од кучињата од ЈП Лајка, кои во моментот чекаат да си го најдат свој среќен дом, наведуваат од „Лајка“.
Кучињата ќе се натпреваруваат во десет категории и за секоја категорија ќе има прво, второ и трето место за кои ќе поделиме вредни награди од спонзорите на овој настан. Категориите во кои ќе се натпреваруваат кучињата се следни:
1.Најубава женка
2.Најубав мажјак
3.Најубаво куче +10 години
4.Куче со најубави очи
5.Куче со најубаво црно крзно
6.Куче со инвалидитет
7.Куче со најубава приказна за вдомување
8.Куче и дете
9.Покажи што знаеш
10.Најигриво куче
