Тешки телесни повреди здобил 41-годишниот моротицклист откако вчера изутрина се судрил со возилото зад чиј управувач се наоѓало 16-годишното момче во скопската населба Драчево.
Полицијата соопшти дека несреќата се случила на крстосницата на улиците „Јустинијан први“ и ул.„Солунска глава“.
-Се случила сообраќајна незгода помеѓу патничко моторно возило “Mазда 6“ со скопски регистарски ознаки управувано од 16-годишник од Скопје и моторцикл „Сузуки“ со скопски регистарски ознаки управуван од М.С.(41) од с.Студеничани-скопско. Во незгодата со тешки телесни повреди се здобил моторциклистот, констатирани во Комплексот клиники “Мајка Тереза“, соопшти полицијата
Извршен бил увид на местото на настанот од увидна екипа од СВР-Скопје.
