Една улица во централното градско подрачје ќе биде именувана по Аки Рахимовски легендарниот пејач на „Парни ваљак“. Ова на својот профил на социјалната мрежа Фејсбук го најави скопската градоначалничка.
-Иницирав со одлука на Град Скопје една улица во централното градско подрачје да го носи името на Александар Аки Рахимовски. На последната средба со Аки во резиденцијата на Претседателот на Хрватска минатата година, гордо не поздрави со македонските песни кои нему лично му беа најдраги, напиша во објавата Арсовска.
Рахимовски вчера попладне беше погребан во алејата на великаните на гробиштата „Мирогој“ во Загреб во ковчегот кој беше прекриен со македонското знаме.