Нов оглас за доделување на автобуски лини во градскиот превоз распиша Градот Скопје. По огласот којшто беше распишан за одржување на линиите 20 и 22, сега се бараат превозници кои ќе сообраќаат на линиите 9, 11 и 12.
За линијата 9 се бараат 15 автобуси и 31 возач, за линијата 11 пет автобуси и 10 возачи, а за линијата 12 се потребни осум автобуси и 18 возачи.
Ова е нов оглас за приватните превозници кој беше распишан од градоначалничката на Град Скопје, Данела Арсовска, откако претходно беа раскинати договорите со „Слобода превоз“ и „Макекспрес“.
Превозниците на огласот може да се пријавуваат заклучно со 17 јануари 2023 година до 12 часот, а отворањето на понудите ќе се одржи на 24 јануари во 9 часот во барака 13 во Град Скопје. Приватните превозници веќе отпорано најавија дека нема да се пријавуваат на овие огласи и ја чекаат средбата со премиерот Димитар Ковачевски за да се најде решение за нивното побарување од 1,5 милион евра од ЈСП „Скопје“.
