Добро е, утрово Скопје не беше поклопено со многу загаден воздух. Вчера имаше прекумерно загадување, главниот град на Македонија беше на светската топ листа дури 7-ми, ама денеска може да подишиме троа поарно.
Не, не реагираа надлежните институции за да го намалат загадувањето со лоцирање и неутрализирање на загадувачите. Реагираше ветерот. Тој умерено задува и го прочисти водухот.
Ќе биде ли ветерот толку добар и да дува цела зима? Ќе ни се смилува ли гледајќи колку самите не можеме да си помогнеме?
Сепак, додека се чека милоста од ветерот многу пожелно е да почнат да работат надлежните градски и централни институции. За тоа се платени, дури и преплатени.
И градоначалничката на Скопје и Владата ветуваа многу мерки против загадувањето. Пред камери убаво ги редеа сите работи што ќе ги направат.
Сега и тие чекаат ветерот да го заврши поголемиот дел од работата.
