ДИК предлага да може да се гласа и со пасош без „Северна“, одредбата би важела за граѓаните со истечени лични карти

Државната изборна комисија предлага во Изборниот законик да се воведе преодна одредба со која на граѓаните од земајва и странство ќе им се овозможи на претстојните избори да гласаат со пасоши со старото уставно име чија важност сè уште не е истечена.

Оваа одредба, како што вели првиот човек на ДИК, Александар Даштевски, би се однесувала само на годинашните избори, а пред сè би се однесувала на граѓаните чии лични карти се неважечки.

Предлагаме пасошите на кои пишува Република Македонија, ако се важечки, да важат за гласање и тоа да се стави во Изборниот законик како преодна одредба која ќе важи само за овие избори. Од ова мислам дека нема поидеално решение. Веќе го сменивме Законот за лични карти и тие важат, но многу луѓе немаат и лични карти, па ако важат пасошите, ќе имаат еден документ, зашто тоа се реално важечки документи, издавани од нашите надлежни органи – рече Даштевски на ТВ Телма.

Претходна вестИзградил станбен објект на туѓ имот, кривична за жител на дебарското село Могорче
Следна вестВремето денеска дождливо, но потопло