Цената на дизел горивото се намалува за два денара за литар, додека на другите горива не се менува, реши денеска Регулаторната комисија за енергетика и водни услуги.
Од ноќеска на полноќ Моторен бензин ЕУРОСУПЕР БС – 95 ќе чини 84,50 (денари/литар), Моторен бензин ЕУРОСУПЕР БС – 98 87,00 (денари/литар), Дизел гориво ЕУРОДИЗЕЛ БС (Д-Е В) 95,00 (денари/литар), Масло за горење Екстра лесно 1 (ЕЛ-1) 93,50 (денари/литар) а Мазут М-1 НС 51,473 (денари/килограм).
-Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,341 отсто, кај дизелот намалување за 1,779 проценти, кај екстра лесното масло намалување за 1,389 отсто и кај мазутот намалување за 1,067 проценти, соопшти РКЕ.
