Астрономите снимиле мистериозни радио бранови на кои им биле потребни 8 милијарди години да стигнат до Земјата. Тој е еден од најоддалечените и најмоќните Брзи радио рафали (FRB) забележани досега.
Имено, експлозијата на FRB 20220610A траела помалку од една милисекунда, но во тој дел од моментот ослободила енергија колку што испушта нашето Сонце во текот на 30 години.
Брзите изливи на радио бранови се една од најфасцинантните мистерии во универзумот. Ова се екстремно моќни сигнали, некои ослободуваат повеќе енергија од 500 милиони сонца и траат помалку од око да трепнеш. Една од најважните карактеристики на FRB е тоа што тие се краткотрајни и непредвидливи. Тие обично се појавуваат ненадејно на некој дел од небото и траат само неколку милисекунди.
Повторливите FRB, односно кога тоа не е само еден интервал, туку неколку по ред, се многу ретки и особено го привлекуваат вниманието на астрономите. Некои од повторливите FRB се јавуваат периодично, во редовни интервали, на секои неколку дена или месеци.
Астрономите со помош на серија моќни телескопи во Австралија (ASKAP, Australian Square Kilometer Array Pathfinder) открија FRB 20220610A и открија од каде доаѓа. „Користејќи го ASKAP, успеавме точно да одредиме од каде потекнува“, рече астрономот Стјуарт Рајдер од Универзитетот Мекквари во Австралија, како што пренесува Си-Ен-Ен.
– Потоа го баравме точниот извор, галаксијата, користејќи го многу големиот телескоп во Чиле. Откривме дека доаѓа од галаксија која е постара и подалечна од кој било друг извор на FRB забележани досега, и дека е веројатно да биде во рамките на мала група галаксии кои минуваат низ процесот на спојување, додаде тој.
