Премиерот Кирил Петков испрати предлог со кој практично целосно се ревидира Рамковниот став донесен од Народното собрание на Бугарија и Владата, но тој беше одбиен од МНР, изјави денеска бугарската министерка за надворешни работи во заминување, Теодора Генчовска. Таа ова го рече во настапот Народното собрание во рамките на сослушувањето на министрката за процесот на пристапување на Македонија во ЕУ и одлуката за одобрување рамката за преговори.
-Преговорите напредуваат, но има и прашања кои остануваат отворени за решавање. Еден од нив е формулацијата на таканаречениот македонски јазик во историска и етничка смисла, рече Генчовска коментирајќи дека новата рамковна проектна позиција не ја вклучувала бугарската позиција за јазикот.
Во веста што вчера ја објави бугарската агенција БГНЕС се наведува дека бугарскиот премиер Кирил Петков и официјално го изолирал МНР од процесот, со најавата дека сите одлуки ќе одат преку пратениците.
Од друга страна, бугарскиот премиер Кирил Петков денеска изјави дека секој предлог за европска интеграција на РС Македонија, кој отстапува од рамковниот став на Бугарија од 2019 година, ќе биде испратен на мислење до Комисијата за надворешна политика на Националното собрание. Ваквата одлука Владата ќе ја гласа на денешната седница.
Одлуката ќе ги обврзе претставниците на Бугарија во Комитетот на постојани претставници и Советот за општи работи да не одобруваат каква било одлука за Северна Македонија што отстапува од рамковната позиција на државата без експлицитна согласност од Националното собрание.
-Секоја одлука на француското претседателство со ЕУ, земја членка или Европската комисија во врска со одобрувањето на почетокот на преговорите за членство во ЕУ на ПЦМ и Албанија, донесена во подготовка или одржување на состаноци на Комитетот на постојани претставници (КОРЕПЕР) или до Советот за општи работи, кој отстапува од Рамковниот став на Советот на министри од 2019 година веднаш да биде испратен до Комисијата за надворешна политика на Националното собрание, пишува БГНЕС.
