Новак Ѓоковиќ пак докажа дека е најдобар тенисер на светот. Едноставно, продолжи да ги поместува границите во светот на тенисот. Со освојувањето на Ју-ес опен, тој стигна до 24. Грен слем титула и со тоа се одалечи од своите најголеми ривали Рафаел Надал и Роџер Федерер.
Во финалето Ѓоковиќ го победи Данило Медведев со 3:0 во сетови и со тоа му се одмазди за поразот од 2021 година. Српскиот тенисер Новак Ѓоковиќ оддржа прес-конференција по освојувањето на четвртата титула на Ју-ес опен.
Интересен одговор Ѓоковиќ даде на прашањето дали се смета себеси за еден од најголемите спортисти на сите времиња.
– Тоа вам ви оставам вам и на сите други, без разлика дали сум или не, дали заслужувам да бидам дел од таа дискусија. Да не бев од Србија, пред многу години ќе бев кренат до небото на спортски план…особено во западниот свет. Тоа е дел од моето патување, благодарен сум што доаѓам од Србија, тоа ми дава верба и надеж, уште послатко е и ме исполнува, а вие пишувајте што мислите, истакна Ѓоковиќ.
Рускиот тенисер го праша Србинот веднаш по извонредното финале:
-Кога планираш да успориш човеку? Имам еден Грен слем, ти веќе имаш 24. Секоја чест за тебе и твојот тим, истакна Медведев.
До кога Ѓоковиќ ќе игра тенис професионално објасни неговиот тренер:
-Тој е гениј. Роден победник. Не може да се добие. Тој е роден со него. И нема причина да се запре на 36. Неговиот план е да игра до Олимписките игри во Лос Анџелес во 2028 година!, истакна Горан Иванишевиќ.
Новак Ѓоковиќ од денес се врати на првото место на АТП листата. Српскиот тенисер ја започна 390. недела како светски првој 1.
