Приведено е едно лице поради физички напад врз поранешната партнерка, соопшти полицијата.
МВР информира дека денеска во 09.20 часот на подрачјето на Драчево, полициски службеници од Единицата за интервентна полиција при СВР Скопје го лишиле од слобода Ф.Б.(31) од Скопје.
-Тој се сомничи дека на 16.04.2024 околу 22.00 часот на подрачјето на Шуто Оризари физички ја нападнал неговата поранешна 37 – годишна партнерка и ѝ го одзел накитот. Одземеното било пронајдено, а лицето било задржано во полициска станица, се наведува во информацијата.
По целосно документирање на случајот ќе следува соодветен поднесок.
