Сеуште непознат сторител со автомобил удрил во жена, ја однел во болница и си заминал. На седумдесет и девет годишната М.С. и се констатирани тешки телесни повреди.
– Во СВР Скопје вчера било пријавено дека на крстосница од бул.„Партизански Одреди“ со бул.„8-ми Септември“, патничко моторно возило удрило во пешак од Скопје. По несреќата, возачот ја пренел М.С. во Градската општа болница „8-ми Септември“, каде и биле констатирани тешки телесни повреди, па си заминал, известуваат од МВР.
Увид на местото на несреќата е извршен од СВР Скопје, оттаму велат дека работат на расчистување на случајот.
