Обилните и непрестајни врнежи изминатото деноноќие, најмногу го погодија Кавадарци. Поплавени се десетина подруми од куќи, а граѓаните цела ноќ се бореле со надојдената вода да не навлезе по собите и да им ги уништи домовите.
Како што соопшти Центарот за управување со кризи, оштетен е средишниот дел од главната улица „7 Септември“ на која се уште се работело, е оштетена. Од таму велат дека биле ангажирани три екипи за да ги пополнат дупките на улицата кои не биле затворени. Во нив имало и едно пропаднато возило кое е извлечено со пајак.
За испумпување на водата од поплавените подруми, на терен биле екипи од Пожарната служба на Кавадарци со две пумпи, како и екипа од „Комуналец“ исто така со две пумпи.