Моторџиите вчера биле најнедисциплинирана категорија на учесници во сообраќајот. Тоа го покажува денешниот полициски извештај во кој е наведено дека вкупно се казнети 227 лица.
-Меѓи нив имаше и 49 санкции за прекршоци што ги прават возачите на мотоцикл, а за возење повеќе од дозволената брзина 42 санкции, 11 мерки за возење без возачка дозвола, соопштува полицијата.
Изречени се 12 мерки за користење мобилен телефон при возење и пет санкции за нерегистрирани возила.
Сообраќајните контроли продолжуваат и во наредните денови.
-Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, стои во соопштението од МВР
