Почнува едукативната кампања на „Лајка“ преку која ќе се направи обид да се покрене свеста кај најмладите за одговорното сопствеништво, како и вдомувањето на бездомни кучиња, а со една цел – да се намали бројот на бездомни кучиња по улиците.
За таа цел од вчера со службено возило на ЈП „Лајка“, кое е брендирано со ликот на најстариот резидент во прифатилиштето Зиги, почна да кружи низ скопските населби за поголема едукација на жителите на градот Скопје.
-Запознајте го Зиги – нашата нова маскота, а воедно и најстариот резидент на ЈП Лајка. Зиги, кој е доказ дека најдобриот пријател и совршениот миленик не мора да е расен и купен, од денес го краси службеното возило на ЈП Лајка и ги едуцира жителите на градот Скопје. Како дел од проектните активности, започнуваме и со едукативна кампања, преку која ќе се обидеме да ја покренеме свеста кај најмладите за одговорното сопствеништво, како и вдомувањето на бездомни кучиња, а со една цел – да го намалиме бројот на бездомни кучиња по улиците, се наведува во објавата на скопското ЈП „Лајка“
