Денеска можеа да се видат бројни полициски возила и специјални екипи околу Народната банка во центарот на Скопје. Имало дојава за поставена бомба која по проверките на екипите за антитероризам се испоставила како лажна.
МВР ја известува јавноста дека e лажна пријавата за наводно поставена бомба во зградата на НБРМ во Скопје. Благодарение на воспоставените протоколи за безбедност од изминатата година за институциите а кои и НБРМ ги имплементира, безбедноста е загарантирана со висок степен, соопштија од полицијата.
– Апелираме до граѓаните да не се вознемируваат. Институциите имаат обврска да ги следат и имплементираат мерките на Владата во целост и на тој начин да ја засилат безбедноста на своите објекти, стои во соопштението на МВР.
