Столе Димитриевски, сезонава брани во одлична форма за на шпанскиот прволигаш Рајо Валјекано и според многу статистички показатели е меѓу најдобрите во Ла лига.
Рајо, тимот на голманот на македонската фудбалска репрезентација, по 17. кола е на 11-ти на табелата, со 20 бода (гол разлика 16-23). Во минатото коло, Рајо загуби на гости од Осасуна (0:1), а вечерва од 19 часот ја пречекува Валенсија.
Најуспешни сезонава кога станува збор за натпревари на кои не примиле гол, на по седум, се Димитриевски, Давид Сорија од Хетафе и Унаи Симон од Атлетик Билбао, Зад нив со по шест меча без примен гол следуваат Марк-Андре тер Штеген од Барселона, Предраг Рајковиќ од Мајорка и Алекс Ремиро од Реал сосиедад, со по пет „чисти мрежи“..
Димитриевски е на втората позиција според бројот на одбранети удари, 61 за 1.530 минути игра. Поуспешен од него во оваа категорија е само Данецот Филип Јоргенсен, чуварот на мрежата на Вилјареал, со 77 одбрани за исто толку минути.
Голманот што на крајот од сезоната ќе прими најмалку голови и ќе има најмногу одбранети удари ќе го добие признанието „Златна ракавица“.
Лани најуспешен беше Тер Штеген чија мрежа остана незатресена на 26 меча, односно прими само 18 гола.
