По пет кражби полицијата фати двајца крадци, еден е 17-годишник

Уапсени се двајца крадци кои извршиле пет кражби на скопското подрачје во изминативе месеци, соопшти полицијата.

МВР соопшти дека на 5 октомври околу 19:30 часот на булеварот Партизански одреди во Скопје полициски службеници од Одделението за криминалистички работи Карпош привеле двајца разбојници А.И. (22) и Д.К. (17) од Скопје.

-Тие непосредно пред тоа се обиделе да украдат пари од маркет на булеварот. Веднаш по добиената пријава, лицата се пронајдени и приведени од полициски службеници од ОКР Карпош. До сега е документирано дека лицата се сторители на пет кривични дела – разбојништва во обложувалници, како и тешки кражби во цркви и маркети, се вели во соопштението.