Од денеска на мостот “Обединети Нации” на тротоарот се изведуваат градежни активности за санација на мостот и е поставена соодветна сообраќајна сигнализација, информира ЈП Улици и патишта – Скопје.
-Поради изведба на активностите во насока од Влае кон Карпош ќе биде затворена насоката за движење за пешаците до завршување на градежните активности, се наведува во информацијата.
ЈП „Улици и патишта“ Скопје апелира до сите учесници во сообраќајот да бидат внимателни и да ја прилагодат својата брзина на движење според условите на патот.
