Во недела во кафе-книжарницата „Буква“ во рамки на фестивалот „АртАреа/Артерија“ ќе се случи седмото издание на „Поетска епизода“ во организација на неформалното здружение за култура „Култура Бета“. Оваа епизода е посветена на поетика на градот Скопје, неговата издржливост, солидарност и љубов.
Ќе настапат поетите Иван Џепароски, Васил Ханџиски, Никола Маџиров, Биљана Стојановска и Васко Марковски. На настанот ќе бидат прикажани и четири поетски филмови за Скопје инспирирани од поезијата на Ивана Јовановска, Владимир Мартиновски, Јулијана Величковска и Андреј Ал-Асади.
Поетските филмови се во режија на Марија Шаклева, Сандра Ѓоргиева и Диме Данов, а настанаа како дел од проектот „Стиховно мапирање на Скопје“ на издавачката куќа „ПНВ Публикации“.
Настанот ќе го модерираат младите поети Андреј Медиќ Лазаревски и Ивана Јовановска.
