Нови 101 лице заразени од вирусот, починаа 4 пациенти. Ова пред малку го соопштија од Министерството за здравство преку Фејсбук.
-Во последните 24 часа се направени 974 тестирања, а регистрирани се 101 нови случаи на ковид-19, стои во соопштението на министерството.
Новозаразените се од овие градови:
– Скопје 59
– Куманово 12
– Штип 7
– Прилеп 1
– Тетово 5
– Струга 6
– Велес 1
– Охрид 1
– Кавадарци 1
– Гостивар 3
– Кочани 3
– Пробиштип 2
-На Клиниката за инфективни болести и фебрилни состојби почина 84 годишен пациент од Прилеп, хоспитализирана на 17 мај. Во ГОБ „8 септември“ починаа, пациент од Тетово (75г) примен на 24 мај, пациент од Куманово (71г) примен на 26 мај и пациент од Скопје (58г) примен на 30 мај.
Денеска Институтот за јавно здравје регистрира 10 оздравени пациенти.
Досега во Македонија се направени вкупно 32161 тестирања на ковид -19. Од вкупниот број направени тестови во изминатото деноноќие 132 теста се во рамките на скринингот во градинки преку Центрите за јавно здравје Штип, Прилеп, Битола и Скопје. Потврдени се 2 позитивни случаи во градинки во Штип.
Вкупната бројка на ковид дијагностицирани во нашата земја од почетокот на епидемијата изнесува 2492, бројката на оздравени пациенти е 1605, на починати е 145, а во моментов бројот на активни случаи во земјата изнесува 742.
