Облачно време со пообилни врнежи од дожд ќе настапи денеска попладне, а ќе преовладува се до понеделник воМакедонија, се наведува во денешното предупредување на Управата за хидрометеоролошки работи.
-Врнежите во западните и северозападните делови повремено ќе бидат пообилни (над 50 л/м2) и поројни, проследени со засилен ветер кој на места ќе достигнува брзина и над 70 км/час. Поради продор на постудена воздушна маса од север од вторник се очекува ново заладување со врнежи од дожд и снег на планините и на некои повисоки места, најавуваат од Управата за хидрометеоролошки работи
Ова е резултат на циклонската активност која што се случува над нашето подрачје и на влијанието на изразена влажна воздушна маса која ќе услови облачно време. За време на оваа циклонска активност локално ќе има услови и за нестабилност проследена со поројни врнежи од дожд, грмежи и засилен ветер, локално ќе има услови и за појава на замрзнат дожд, особено во северните предели кој ќе се наоѓаат под влијание на нешто постудена воздушна маса.
На планините врнежите ќе бидат од снег и тоа особено во северните и во северозападните предели. Ќе дува умерен, повремено на некои места засилен ветер од променлив правец.