Доцна синоќа во близина на мостот Бистрица, бил ранет Србин од Звечан. Како што неофицијално дознава „Косово онлајн“, додека возел автомобил на главниот пат од Лепосавиќ кон Звечан, тој бил застрелан од припадници од специјалната единица на косовската полиција – Росу.
Според дежурниот хирург во КБЦ „Косовска Митровица“, д-р Никола Радојичиќ, опериран е М.Ј и се наоѓа надвор од животна опасност.
– Нешто после 22:00 часот на нашето одделение е примен пациент со прострелна рана во десната страна на градниот кош, донесен е во состојба на хеморагичен шок, итно е примен и опериран. Крварењето било запрено и моментално е надвор од животна опасност и сместен е на одделението за интензивна нега на понатамошен мониторинг, изјави Радојичиќ за „Косово онлајн“.
Според Здравствениот дом Звечан, каде што М.Ј. бил примен и од каде со возило на Итна медицинска помош бил пренесен во болницата во Северна Митровица, ранетиот рекол дека бил застрелан од припадници на единицата Росу кај мостот Бистрица додека возел автомобил, на главниот пат од Лепосавиќ за Звечан.
