Претседателот на Комитетот за вооружени сили на Претставничкиот дом побара од министерот за одбрана Лојд Остин да сведочи пред панелот зошто не успеал навреме да ја открие својата неодамнешна хоспитализација, дури ни на претседателот Џо Бајден.
Остин од почетокот на годината е во болница поради лекување рак на простата. Неговoто неизвестување на Бајден навреме дека е хоспитализиран, предизвика критики од пратениците и ја изненади Белата куќа.
Тој помина две недели во болница со компликации од операцијата на рак на простата на 22 декември – која исто така првично беше чувана во тајност – и беше отпуштен во неговиот дом во Вирџинија во понеделникот.
-Конгресот треба да разбере што се случило и кој ги донел одлуките за да спречи откривање на локацијата, напишал претседателот на комисијата Мајк Роџерс во писмото до Остин.
Остин (70) беше примен во воената болница Волтер Рид во Мериленд на 22 декември поради операција на рак на простата. Тој повторно беше хоспитализиран на 1 јануари поради компликации кои вклучуваат инфекција на уринарниот тракт.
