Од 13 до 15 октомври во универзитетската библиотека „Св. Климент Охридски“ во Скопје, ќе се одржи студентски саем на книгата. Студентите ќе имаат прилика да си ги купат книгите односно учебниците што им се потребни по набавни цени.
Но не само стручна литература од која учат на студиите, туку и по специјални цени ќе можат да се купат книжевните класици како и современи белетристички дела од светски и домашни автори.
