Утре од 8 часот наутро до 15:30, ќе има вонредно исклучување на семафорите во центарот на Скопје, соопшти вечерва ЈП „Улици и патишта“, повикувајќи се на информација од ЕВН.
Поточно, семафорите нема да работат кај „Веро џамбо“, Кеј 13 Ноември, Правен Факултет и улицата „Мирче Ацев“, делот кај паркингот „Холидеј Ин“ и околината, а причината е што овој дел од градот во тој период ќе остане без електрична енергија.
Од „Улици и патишта“ ги повикуваат надлежните за регулирање на сообраќајот, односно МВР за да не дозволат да се направи голем метеж низ градот во овој период од денот.