Ведро со ретки облаци и многу студено време ќе преовладува денеска на скопското подрачје. Минималната температура ќе се движи околу минус девет степени а максималната дневна ќе достигне четири степени.
Слично време се очекува и на останатото подрачје на Македонија при што ќе дува слаб до умерен ветер претежно од југозападен правец. Утринските темепратури ќе се движат од минус 13 до минус четири степени Целзиусови, а дневните од минус еден до осум степени.
Во четврток на планините во западните делови ќе има услови за повремен снег. Во наредните денови ќе преовладува променливо облачно и потопло време со повремени врнежи од дожд, а на планините од снег со променлив интензитет.
Во деновите од викендот ќе дува умерен до засилен јужен ветер. Поради јужното воздушно струење ќе има пораст на утринските и дневните температури, што ќе предизвика побрзо топење на снегот.
