ВМРО-ДПМНЕ од утре започнува со акцијата „Заедно со народот“, со која стотици тимови на партијата низ целата земја, ќе ја отпочнат една од најголемите кампањи и теренски посети некогаш направени во Македонија, изјави генералниот секретар на партијата Ѓорѓија Сајкоски.
Тој објасни дека партиските тимови во прва фаза ќе остварат состаноци со сите ажурирани членови на ВМРО-ДПМНЕ, а потоа и со голем број на граѓани кои се опозициски расположени и кои сметаат дека државата се движи во погрешен правец.
– Власта ја уништува државата за свои лични потреби, тие крадат, а народот пати. Основните услуги на државата често се под знак прашалник, основните потреби на граѓаните често не се подмирени. Додека власта се богати, народот е се посиромашен. За да се промени болната реалност, и да почнеме да чекориме напред, потребни се промени, а за промените, неопходни се граѓаните. Ќе разговараме со народот, ќе ги слушнеме нивните проблеми, нивните потреби, изјави Сајкоски.
Тој посочи дека ќе се повикаат сите граѓани да им приклучат и заедно во идниот период да се делува се до финалниот пад на оваа ненародна власт.
– Секој еден поединец е важен, и секој еден поединец е додадена вредност во битката за пад на оваа ненародна власт. Изворно ќе ги собереме предлозите на граѓаните и ќе ги преточиме во политики и акции за идно делување. Да се заложиме сите заедно за развој на Македонија, изјави Сајкоски.