Во сообраќајна несреќа која се случила утрово во Битолско се преврте цистерна со плин.
Во несреќата возачот на камионот се здобил со полесни повреди и е пренесен во клиничката болница во Битола од страна на Итна медицинска помош.
Како што информираат од Центарот за управување со кризи, на местото на несреќата излегла противпожарна екипа со четворица пожарникари а увид на местото на несреќата извршила и екипа на СВР Битола.
За подигање на цистерната се чека механизација.
