За само 10 дена откако Градот Скопје ја стави во функција електронската адреса за комуникација со граѓаните [email protected], пристигнаале 213 барања од граѓани, од кои 165 веќе се решени, а останатите се во фаза на решавање, информираат денеска од Град Скопје.
Најголем број од поднесените барања на граѓаните се за решавање на проблеми од комунална хигиена, сообраќај, градскиот паркинг, пријави до инспекторатот на Град Скопје и информации за субвенции од градот.
На оваа електронска адреса граѓаните можат да пријавуваат проблеми, а градската администрација е задолжена да одговори на барањата на граѓаните во рок од 24 до 72 часа.
