Загрижувачко: Украдени плановите за обезбедување на Олимписките игри во Париз

Чантата му припаѓа на инженер вработен во Градското собрание на Париз. Овој 56-годишник и објаснил на полицијата дека завчера наутро ја ставил торбата во багажниот простор над седиштето во возот.

Исчезнувањето на вредната торба го открил кога поради доцнењето сакал да се префрли во друг воз.

Истрагата ја води сообраќајната полиција, на која инженерот и потврдил дека во чантата го носел својот работен компјутер и два УСБ со чувствителни податоци, т.е. плановите за обезбедување на Летните олимписки игри во Париз, што ќе се одржат од 26 јули до 11 август.

Париз ќе мобилизира околу 2.000 агенти за обезбедување на Олимпијадата, со вкупно 35.000 припадници на безбедносните сили кои ќе бидат на должност секој ден.

Претходна вестПриведен криминалец од радовишко, осуден на казна затвор од осум години и два месеци
Следна вестУставните судии ја избришаа графата „националност“ во изводите од матичната книга на родени