На територија на град Скопје вчера биле изречени вкупно 189 казни, меѓу кои за возење над дозволената брзина 40 санкции, соопшти денеска МВР за вчерашните контроли на скопските сообраќајници.
Имало и 10 мерки за возење без возачка дозвола и 12 санкции за прекршоци што ги прават возачите на мотоцикл.
-Изречена е 21 санкција за користење на мобилен телефон при управување возило, осум мерки за поминување на црвено светло и четири мерки за некористење на сигурносен појас, соопшти полицијата.
МВР најави дека сообраќајните контроли продолжуваат и во наредните денови. Апелираат до граѓаните да ги почитуваат сообраќајните правила и прописи за посигурни патишта.