Загадениот воздух си се одомакини во Скопје. Некогаш е многу загадено, некогаш помалку, ама си тлее…
Полицискиот час веќе неколку недели е од 20 до 5 часот. Тоа значи дека низ улиците нема автомобили со исклучок на оние кои имаат дозвола за движење. По логиката на изјавите на скопскиот градоначалник Петре Шилегов, намалената фрекфенција на возила е фактор за намалување на загаденоста, но параметрите од изутрината не говорат за такво нешто.
Имено, според мерењата достапни јавно, најстрашна е ситуацијата кај Ректорат каде се регистрирани 964 микрограми на метар кубен ПМ10 честички, многу пати над дозволената граница. Од скопските општини втора по загаденост е Лисиче со измерени 49 микрограми на метар кубен. Од градовите во внатрешноста на Македонија, најстрашно е во Велес, па во Кавадарци.
Како ова ќе го објасни градоначалникот? Ги гледа ли тој мерењата? Ако автомобилите се најголемите загадувачи тогаш зошто во 7 часот изутрината, само два часа по завршувањето на полицискит час, параметрите на загаденост се толку високи? Кои се вистинските загадувачи на Скопје?
