Со владина одлука, на предлог од Управата за заштита на културното наследство и мислењето на Националниот совет за културно наследство, скопскиот Аквадукт е прогласен објект од особено значење, поткатегорија исклучително значење. Конечно позитивна вест ако се знае дека елаборатот за ревалоризација на споменикот со години беше блокиран во надлежните институции.
Одлуката уследи по усвоениот елаборат за ревалоризација на споменикот, процес кој долги години беше закочен во надлежнитe институции.
-Одлуката овозможува трајно зачувување на Аквадуктот и на неговите вредности во културна и историска смисла, како и во однос на заштитата на архитектурата, на социјалниот, едукативниот, туристичкиот и економскиот аспект на локалитетот. Со тоа се овозможува конечно да започне и неговата физичка заштита, информираат од министерството за култура, но не наведуваат кога би започнала неговата реставрација.
Ако тоа не се случи набрзо, опасноста од негово распаѓање е повеќе од сигурна.
