Бугарија проба сама да ја поправа нуклеарната централа „Kозлодуј”, па сега мора да бара руска помош иако и стави санкции

Владата на Бугарија соопшти дека привремено укинала некои санкции кон Русија за да се овозможи набавка на резервни делови за нуклеарната централа „Козлодуј”, при што го овласти раководството на централата да ги увезе потребните резервни делови и да прими руска техничка помош во
рамките на експлицитно наведените договори.
„Козлодуј” е единствената нуклеарна централа во Бугарија и е најголем производител на електрична енергија во земјата. Одлуката за привремено укинување на санкциите кон Русија е донесена откако руските мембрани на нуклеарната централа беа заменети со бугарски, што доведе до серија
прекини во работата на еден од блоковите.