Министерот за надворешни работи и надворешна трговија Тимчо Муцунски денеска одржал работен појадок со амбасадорот на Европската Унија во земјата Европска Унија Михалис Рокас, како и со амбасадорите на земјите членки на Унијата акредитирани во Македонија.
На средбата, министерот ги информирал присутните за актуелните политички и реформски процеси во државата, со посебен осврт на напредокот во исполнувањето на обврските поврзани со отворањето на пристапните преговори со Европската Унија.
Според соопштението од Министерството за надворешни работи и надворешна трговија, бил презентиран и напредокот во изработката на Акцискиот план за почитување на правата на заедниците, како и активностите во рамки на Реформската агенда и другите обврски од европскиот интегративен процес.
Посебно било нагласено дека државата останува усогласена со Заедничката надворешна и безбедносна политика на Европската Унија, како и поддршката за Украина, што се оценува како показател за стратешката определба за членство во Унијата.
На состанокот биле разменети мислења за реформските приоритети и потребата од забрзување на европскиот интегративен процес, при што била истакната важноста од регионална соработка и користење на концептот на постепена интеграција.
Средбата е дел од редовниот дијалог меѓу државата и претставниците на земјите членки на Европската Унија.
