Измама сторена преку социјална мрежа пријавил охриѓанец на полицијата. Тој тврди дека е оштетен за 4.530 евра.
Полицијата соопшти дека 53 годишен жител од Охрид вчера пријавил измама сторена на 01.03.2021 на социјалната мрежа „Фејсбук“.
-Според пријавеното, преку порака што ја добил од друг ФБ профил, бил известен дека е добитник на наследство, поради што треба да стапи во контакт со адвокат од Франција. Притоа добил информација дека како примател на наследството треба да уплати парични средства за да истото, му биде префрлено на неговата трансакциска сметка, информираат од СВР Охрид.
Тој, во неколку наврати лично уплатил вкупно 3730 евра како и 800 евра што ги уплатил негов пријател.