Цел кластер на лица столе зад дојавите за подметнати бомби по училиштата и другите објекти. Ова утринава го соопшти министерот за внатрешни работи Оливер Спасовски при гостувањето на утринската емисија на МТВ.
-Лоциравме цел еден кластер на лица. Се повикани на разговори во полициски станици и одземени се нивните мобилни телефони и се продолжува на обезбедување докази при нивното вештачење. Сметаме дека овој кластер ги прави овие дојави во повеќе училишта – секако дека постојат и други, кажа Спасовски.
Министерот не можеше да открие повеќе детали за возраста на осомничените лица.
Тој пре днеколку дена рече дека набрзо група македонски државјани ќе добијат кривични пријави за тероризам и ќе одговараат за лажните дојави за бомби во училиштата и други објекти.
-Веќе поднесовме една кривична пријава против еден малолетник и практично навлегуваме во една група на лица коишто учествувале во праќањето на дојавите по електронски пат и токму користењето на ВПН адреси итн и сме во позиција за која за многу скоро време целата таа група ќе биде комплетно разоткриена, ќе бидат поднесени кривични пријави за делото тероризам, рече Спасовски.
