„Сфинга на гневот“ е македонскиот роман на писателот Жарко Кујунџиски, што годинава ќе ја претставува Македонија за меѓународната книжевна награда „Балканика“. Романот е во издание на „Антолог“.
Издавачката куќа втора година по ред бира национален претставник за „Балканика“, а жири-комисијата ја сочинуваат Александар Прокопиев, Весна Мојсова-Чепишевска и Александра Јуруковска.
Првично влегоа две книги во потесниот избор, но на крајот комисијата едногласно го избрала романот на Кујунџиски.