Пожарот кај скопско Ајватовци кој утринава беше локализиран, пак се разгоре поради високите температури и ветерот. Директорот на Центарот за управување со кризи, Стојанче Ангелов информира дека кракот кај Ајватовци повторно се разгорел, и затоа итно е ангажиран хеликоптер на Министерството за внатрешни работи.
Истиот веќе е на терен и започна со гаснење.
– На лице место се пожарникари од ТППЕ Скопје и доброволци од Доброволното друштво од Свети Николе со поддршка од локалното население, додаде Ангелов.
