Настанот кој се случи вчера во Скопје не смее да се повтори бидејќи нема ништо позначајно од мирот и безбедноста на сите граѓани, порачува претседателот Стево Пендаровски преку соопштение од неговиот кабинет.
– Неприфатливо е користење на насилство и поттикнување насилство во политички цели. Упатувам апел до сите организатори на протестите, кои овие денови се одвиваат во Северна Македонија, да преземат одговорност и нивното демократско право да протестираат да продолжат да го практикуваат достоинствено и без насилство. Истовремено најостро го осудувам носењето и користењето на огнено оружје од цивили и граѓани на земјава, кои не се припадници на органите за безбедност, се вели во соопштението.
Шефот на државата додаде дека полицијата вчера имала навремена реакција која спречи поголеми судири.
-Очекувам сите лица кои вчера беа инволвирани во инцидентот да бидат приведени и соодветно санкционирани во најкус можен рок, заклучува претседателот.
