Македонската тенисерка Лина Ѓорческа го заврши настапот во квалификациите на Австралија опен откако беше поразена во второто коло. Подобра од неа беше словенечката тенисерка Тамара Зиданшек, која славеше со 2:1 во сетови (4:6, 6:2, 7:5) по два часа и 15 минути игра.
Ѓорческа одлично го отвори мечот и првиот сет го доби со 6:4, искористувајќи две брејк можности, наспроти еден брејк на противничката. Сепак, Зиданшек возврати во вториот сет, кој го доби убедливо со 6:2 и го израмни резултатот.
Во решавачкиот трет сет македонската тенисерка повторно стартуваше сигурно, направи брејк и поведе со 1:0, а потоа и со 3:1. Но, словенечката тенисерка се врати во игра и во шестиот гем успеа да израмни на 3:3. Клучен момент беше 12. гем, кога Зиданшек направи брејк на сервис на Ѓорческа и го освои сетот со 7:5, иако македонската тенисерка претходно успеа да спаси една меч-топка.
Со овој пораз, Ѓорческа не успеа да го повтори успехот од 2017 година, кога играше во финалето на квалификациите на грен-слем турнирот во Мелбурн.
Ова беше трет настап на Лина Ѓорческа во квалификациите на Австралија опен. 
